रसुलाबादचे डॉ. प्रशांत सावरकर ‘तेली समाज भूषण’ पुरस्काराने सन्मानित

     रसुलाबाद : रसुलाबाद येथील मूळ वास्तव्य असलेले आणि नागपूर येथील एम्स रुग्णालयात सेवा बजावणारे डॉ. प्रशांत चपंतराव सावरकर यांना नुकताच ‘समाज भूषण’ पुरस्काराने गौरवण्यात आले. श्री संत जगनाडे महाराज फाउंडेशन, वर्धा यांच्या वतीने आयोजित राज्यस्तरीय तेली समाज सर्व शाखीय उपवर व उपवधू पालक परिचय मेळाव्यात डॉ. सावरकर यांचा सन्मान करण्यात आला.

Dr Prashant Sawarkar from Rasulabad Honored with teli Samaj Bhushan Award

    डॉ. प्रशांत सावरकर हे सध्या नागपूर येथील एम्स रुग्णालयात अतिरिक्त प्राध्यापक आणि वरिष्ठ सर्जन म्हणून कार्यरत आहेत. त्यांनी आपल्या वैद्यकीय सेवेद्वारे समाजातील आणि गावातील रुग्णांसाठी नेहमीच तळमळीने काम केले आहे. वेळोवेळी रुग्णांना योग्य उपचार आणि मार्गदर्शन पुरवून त्यांनी अनेक नागरिकांच्या आयुष्यात सकारात्मक बदल घडवून आणले आहेत. त्यांच्या या निस्वार्थ सेवाभावाची समाजातून नेहमीच प्रशंसा होत आली आहे.

     समाजातील लोकांच्या आणि रसुलाबाद गावातील नागरिकांच्या वेळोवेळी मदत करण्याच्या त्यांच्या ध्येयवादी कार्यामुळे श्री संत जगनाडे महाराज फाउंडेशनने त्यांना ‘समाज भूषण’ पुरस्काराने सन्मानित केले. यावेळी त्यांना शाल, श्रीफळ आणि सन्मानचिन्ह देऊन गौरविण्यात आले. लक्षात घ्यावे की, गेल्या वर्षीही संताजी जगनाडे महाराज संस्था, ब्रह्मपुरी यांनी डॉ. सावरकर यांना ‘समाज भूषण’ पुरस्काराने सन्मानित केले होते.

    या प्रसंगी रसुलाबाद येथील सरपंच राजेश सावरकर, पत्रकार संदीप रघाटाटे, प्रफुल अनवाने, डॉ. सावरकर यांचे वडील चपंतराव सावरकर, आई अनुसया सावरकर आणि मित्रमंडळींनी त्यांना अभिनंदन केले. डॉ. प्रशांत सावरकर यांनी या पुरस्काराबद्दल श्री संत जगनाडे महाराज फाउंडेशन, वर्धा येथील अध्यक्ष, सचिव आणि संस्थेतील सर्व सदस्यांचे आभार मानले.

    डॉ. सावरकर यांच्या या सन्मानाने रसुलाबाद गावाचा तसेच तेली समाजाचा गौरव वाढला आहे. त्यांच्या सेवाभावी कार्याचे समाजातील सर्व वर्गांनी कौतुक केले आहे.

दिनांक 18-03-2025 12:51:09
You might like:
Sant Santaji Maharaj Jagnade Sant Santaji Maharaj Jagnade
संत संताजी महाराज जगनाडे

About Us

Teliindia.in it is a website
of teli Galli magazine.
It is about teli Samaj news and
teli Samaj matrimonial From 40 years

Thank you for your support!

Contact us

Teli India, (Abhijit Deshmane)
Pune Nagre Road, Pune, Maharashtra
Mobile No +91 9011376209, +91 9011376209
Email :- Teliindia1@gmail.in