छत्रपती संभाजीनगर - संत तुकाराम महाराजांचे प्रिय शिष्य, अभंग गाथेचे रक्षक आणि तेली समाजाचे आराध्य दैवत संत शिरोमणी श्री संताजी जगनाडे महाराज यांची ४०१ वी जयंती रविवार, ८ डिसेंबर २०२५ रोजी चेलीपुरा येथे समाजसेवक कचरू वेळंजकर यांच्या प्रांगणात अतिशय उत्साहात, भक्तिमय वातावरणात साजरी करण्यात आली. सकाळपासूनच हजारो भाविकांचा जनसागर लोटला होता. संपूर्ण परिसर “जय संताजी महाराज”च्या जयघोषाने दुमदुमून गेला.

    कार्यक्रमाची सुरुवात संताजी महाराजांच्या प्रतिमेस पुष्पहार, हरिद्रा-कुंकू व महाआरतीने झाली. मुख्य आकर्षण ठरले ते श्री संत कबीर मठाचे महंत ह.भ.प. शांतिगिरीजी महाराज व ह.भ.प. प्रदिप सायंकर महाराज यांचे सुमधुर कीर्तन. ज्येष्ठ ओबीसी नेते तथा पत्रकार सौ. खंडाळकर यांनी संताजी महाराजांच्या जीवनातील अन्यायाविरुद्धच्या लढ्याची आणि तुकाराम महाराजांसोबतच्या निस्वार्थ सेवेची प्रेरणादायी कथा सांगितली.

    या सोहळ्याला व्यापारी महासंघाचे लक्ष्मीकांत राठी, जयंत देवळकर, भाजप नेते अनिल मकरिया, मनोज संनतांसे, राजेश मेहता, बंटी चव्हाणिया, सुनील क्षिरसागर, श्रीराम भजनी मंडळ अध्यक्ष त्र्यंबकराव कासोटे, ह.भ.प. बंडू महाराज किराणा, चवडी तिळवण तेली समाज अध्यक्ष रमेश क्षिरसागर, राजेश शिंदे, नारायण दळवी, अशोक राऊत, अनामप्रेम संस्थेचे जुगलकिशोर मंत्री, चेलीपुरा व्यापारी संघटनेचे संतोष मंत्री, राजकुमार चांदीवाल, छाबडाकाका, नरेश केलानी, प्रभाकर भागवत, सतीश लढ्ढा, रविंद्र क्षिरसागर, मनोज क्षिरसागर, संतोष गायकवाड, चंद्रशेखर पवार, अशोक लोखंडे, रमेश ऊचीत, अशोक शिंदे, किशोर सुरडकर, तेली युवा संघटनेचे प्रवीण वाघलवाळे, संतोष सुरळे, ईश्वर पेढांरे, सुरेश वाडेकर, किशोर मिटकर, कैलास मिटकर, गजानन वेळंजकर, आनंद वेळंजकर, श्रीमती कलावती मिटकर, गायत्री चौधरी, रंजना वेळंजकर, धनश्री दारुणकर, अश्विनी वेळंजकर, सायली वेळंजकर आदींसह अनेक मान्यवर मोठ्या संख्येने उपस्थित होते.

    अध्यक्षस्थान ज्येष्ठ नेते सौ. खंडाळकर यांनी भूषवले तर सूत्रसंचालन जिल्हाध्यक्ष सुरेश कर्डिले यांनी केले. आभारप्रदर्शन समाजसेवक कचरू वेळंजकर यांनी केले. कार्यक्रमात संताजी महाराजांच्या अभंगांचे समूह कीर्तन, भजन आणि सामूहिक आरतीने वातावरण भारावून टाकले.

    आयोजकांनी सर्व उपस्थितांचे मनापासून आभार मानले आणि पुढील वर्षीही असाच भव्य सोहळा आयोजित करण्याचे आश्वासन दिले.

जय संताजी महाराज! जय तेली समाज! ????