खान्देश तेली समाज मंडळ शहादा शहर कार्यकारणी घोषित

     खान्देश तेली समाज मंडळ शहादा शहराध्यक्ष श्री उदय दगा चौधरी यांचे शिफारशीवरून मंडळाचे अध्यक्ष कैलास आधार चौधरी यांच्या आदेशाने मंडळाचे मुख्य सचिव श्री रविंद्र जयराम चौधरी यांनी पुढील नियुक्त्या शहादा शहरासाठी घोषित करून त्यांना नियुक्तीपत्रे देण्यात आले.

     रविवार दि. ३ ऑक्टोंबर रोजी खान्देश तेली समाज मंडळ धुळे शहर आयोजित विद्यार्थी गुणगौरव सोहळा, तेलघाणा प्रशिक्षण शिबीर, रोगनिदान शिबीर प्रसंगी झालेल्या कार्यक्रमात नवनियुक्त पदाधिकाऱ्यांना नियुक्तीपत्रे मंडळाचे कार्याध्यक्ष मनोज मधुकर चौधरी, धुळे तालुका उपाध्यक्ष नंदलाल चौधरी शिरूड, धुळे शहर उपाध्यक्ष चंद्रकांत श्रीराम चौधरी यांच्या हस्ते शहराध्यक्ष उदय दगा चौधरी,शहर उपाध्यक्ष जगदीश बुधा चौधरी, शहर सचिव प्रवीण पुरुषोत्तम चौधरी, शहर खजिनदार सतीश गुलाब चौधरी, शहर प्रसिद्धीप्रमुख ऋषिकेश जगदीश चौधरी यांना नियुक्तीपत्रे देण्यात आले.

     शहादा शहरासाठी खान्देश तेली समाज मंडळाच्या वतीने लवकरच कार्याला सुरुवात करून खान्देश तेली समाज मंडळाच्या ध्येय धोरणानुसार तेली समाजाची सेवा करण्याचे नवनियुक्त पदाधिकारी यांनी सांगितले. नवनियुक्त पदाधिकाऱ्यांना नियुक्तीपत्र देण्याबरोबरच सर्व पदाधिकाऱ्यांनी शुभेच्छा देऊन त्यांचे अभिनंदन व कौतुक केले.