श्री संत संताजी जगनाडे महाराजाची आरती

संताजी महाराजा-येई आमुच्या काजा-पाहती वाट भक्त-तुचि संताचा राजा ॥धृ॥

पुणे ही जिल्हयात एका चाकण गांवी-विठोबा मथाबाई-विठचरणी माथा ठेवी

ऐशा भक्ता पोटी आपण जन्माला याजा-संताजी महराजा-येई भक्ताच्या काजा ॥१॥

माता पिता करी धंदा-गाळी तिळाचे तेल-भक्तिमार्ग हाचीबरा-चढे झाडावरी वेल

ऐशा तुकासंगे-होता तुमचा साजा-संताजी महाराजा-येई भक्ताच्या काजा ।।२।।

तुका करी अभंग-गड भंडार वरी-तयाचे अभंग आपण लेखन करी

अभंग गायेने-भक्ता अमृत पाजा-संताजी महाराजा-येई भक्ताच्या काजा ।। ३ ।।

अभंग गाथा हो आहे भगवत गिता संसार सागरात तिच आम्हाला त्राता

स्वाद घ्याहो सारे बंध येते कैशी मौजा-संताजी महाराजा-येई भक्ताच्या काजा ।। ४ ।।

मानवाचे शत्रु होते तेचि त्रास तुज देत-अभंग गाथा ही बुडविली डोहात

ऐशा दुष्ट जना देव देतो मग सजा-संताजी महाराजा-येई भक्ताच्या काजा ॥५॥

सर्व मानव बंधु नका करू कोणी हेवा-भक्तिरस प्यारे सारे-भाव देवावरी ठेवा

तारक तोचि एक येई संकटी काजा-संताजी महाराजा-येई भक्ताच्या काजा ॥ ६ ॥

ऐसा हा संताजी संत आमुच्या मनी-भक्ती ती करण्याला धरू त्याच्या चरणी 

कृपा करी संताजी आम्हा शक्ती युक्ती द्याजा-संताजी महाराजा-येई भक्ताच्या काजा ॥७॥

शक्ती युक्ती बुध्दी देई-आमच्या समाजाला-आरती ओवाळितो भक्त आहे साधाभोळा

एकीचे बल देई संतु आमच्या समाजा-संताजी महाराजा-येई भक्ताच्या काजा ।।८।।

रचियता स्व.श्री द.स.तलमले गरूजी

गणेश पेठ, नागपूर