बुलढाणा तेली समाजाच्यावतीने भाजप प्रदेशाध्यक्ष चंद्रशेखरजी बावनकुळे यांचा सत्कार
दहावी - बारावीमध्ये नेत्रदीपक यश मिळविल्याबद्दल गुणवंत विद्यार्थ्यांचा सत्कार
बुलढाणा खामगाव - येथून जवळच असलेल्या वाडी येथील सौभाग्य लॉनमध्ये २० ऑगस्ट रोजी रात्री ८ वाजता सत्कार सोहळ्याचे आयोजन करण्यात आले होते.
मनुष्याकडे जीवनात अनेकांचे ऋण असते. ज्या कुटुंबात आपण वाढतो त्या कुटुंबाचे ऋण आणि ज्या समाजात जन्माला आलो त्या समाजाचे ऋण आपण फेडलेच पाहिजे, असे आवाहनही विद्यार्थ्यांना यावेळी करण्यात आले.
यावेळी विभागीय सचिव रमेश आकोटकर, गजानन नवथळे, विजय चोपडे, सुनील जामोदे यांनीही विद्यार्थ्यांना मार्गदर्शन केले. याप्रसंगी एकूण ५० विद्यार्थ्यांचा सत्कार करण्यात आला. या कार्यक्रमासाठी जिल्हाध्यक्ष नंदकिशोर काथोके, नांदुरा येथील बंडू राठोड, शेगाव पंच मंडळ बुलढाणा अध्यक्ष प्रवीण भिसे, मलकापूर पंच मंडळ, जळगाव पंच मंडळ उपस्थित होते.
कार्यक्रमाचे सूत्रसंचालन निळकंठ सोनटक्के व सौ. अर्चनाताई जामोदे यांनी केले. कार्यक्रम यशस्वीरित्या पार पाडण्यासाठी जयेश भिसे, निळकंठ सोनटक्के, विजय अकोटकार, विजय चोपडे, गोपाल खेडकर, रामेश्वर फाटे, विनोद वरुडकर, मधुकर जी बेलोकार, सागर खेडकर, सौ. अर्चनाताई जामोदे व समस्त महिला मंडळ यांनी परिश्रम घेतले. या कार्यक्रमाला तेली समाजबांधव व भगिनी मोठ्या संख्येने उपस्थित होता.
