संत संताजी जगनाडे महाराज यांच्या समाधी स्थळासाठी निधी
राज्य सरकारकडून ६६ कोटी रुपये विकासासाठी मंजूर
श्री क्षेत्र देहू, आळंदी, भंडारा डोंगर, पंढरपूर व पालखी तळ मार्ग विकास आराखडा अंतर्गत मौजे सुदुंबरे (ता. मावळ, जि. पुणे) येथील श्री संत जगनाडे महाराज यांच्या समाधीचा विकास व सौंदर्यीकरण आराखड्यास मान्यता मिळाली असून, यासाठी ६६.११८ कोटी रुपये निधी मंजूर करण्यात आला आहे.
'संत जगनाडे महाराज यांचे विचार आणि साहित्य हे प्रेरणादायी आहे. आज समाजात घडत असलेल्या अनुचित घटना लक्षात घेता समाजाला खऱ्या अर्थाने संतविचारांची गरज आहे. संत तुकाराम महाराजांची गाथा कर्मठ लोकांनी बुडविली तेव्हा श्री संत जगनाडे महाराजांनी तिचे संकलन आणि पुनर्लेखन केले होते. त्यांनी स्वतः अनेक अभंग लिहून समाजाला शहाणे केले,' असे वडेट्टीवार म्हणाले.
