संताजी जगनाडे महाराज आर्थिक विकास महामंडळ स्थापन केल्याने तेली सेनेने मानले आभार
छत्रपती संभाजीनगर - ओबीसी समाजामधील एक महत्त्वाचा घटक म्हणून तेली समाज असून हा समाज कष्टकरी आणि मोल मजुरी करणारा एक स्वाभिमानी समाज आहे. महाराष्ट्रमध्ये हा समाज दूर विखुरलेला आहे. या समाजाची शैक्षणिक आर्थिक आणि सामाजिक परिस्थिती सुधारण्यासाठी तसेच विद्यार्थ्यांना व युवकांना उद्योग धंद्यासाठी अर्थसहाय्य मिळणे गरजेचे होते. त्यामुळे तेली समाजासाठी स्वतंत्रपणे आर्थिक महामंडळाची फार गरजेचे होते. आर्थिक विकास महामंडळ स्थापन केल्याने प्रश्न सुटणार आहे. त्यामुळे तेली सेनेच्या वतीने मंत्री अतुल सावे यांचे आभार मानले.
महामंडळ स्थापन झाल्यामुळे आत्ता खऱ्या अर्थाने समाजाला न्याय मिळाला असून समाजाने समाधान व्यक्त केले आहे. तेली सेने बरोबरच महाराष्ट्र प्रांतिक तैलिक महासभेच्या पदाधिकाऱ्यांनी सातत्याने प्रयत्न करून महामंडळ मंजूर करून घेण्यासाठी महत्वाची भूमिका बजावल्यामुळे तेली सेनेने त्यांचा अभिनंदनाचा ठराव संमत करून त्यांचेही आभार मानले. असे गणेश पवार यांनी सांगितले आहे. यावेळी महाराष्ट्र प्रांतिक तैलिक महासभेचे राज्य संघटक तथा तेली सेनेचे आधार आधारस्तंभ मार्गदर्शक नेते अनिलभैय्या मकरिये, श्रीराम कोरडे, सुनिल क्षीरसागर, अशोक लोखंडे, जगदीश नांदरकर, संतोष गायकवाड, संतोष सुरूळे, भिकन राऊत, किशोर बागूल, गायत्री चौधरी, रंजना बागूल, अर्चना फिरके, जयश्री कोरडे, सुनिता पवार, अंकिता चौधरी आदींची उपस्थिती होती. तेली सेना व महाराष्ट्र प्रांतिक तैलिक महासभेच्या अनेक पदाधिकाऱ्यांची उपस्थिती होती.
