वीरशैव तेली समाज लातूर आयोजित मकर-संक्रांती निमित्त हळदी कुंकू समारंभ
वीरशैव तेली समाज लातूर,महिला मंडळ आयोजित मकर-संक्रांती निमित्त हळदी कुंकू समारंभ दिनांक 26 जानेवारी रोजी,वीरशैव सांस्कृतिक भवन लातूर येथे भव्य स्वरूपात पार पडला. याप्रसंगी हळदी कुंकू संमारंभाचे उद्घाटन डॉ. सौ. अर्चनताई पाटील चाकुरकर यांनी केले. प्रमुख पाहुणे म्हणून सौ. उषा फेसगाळे, सौ. माया कलशेट्टी, सौ. मिनाक्षी राऊत, सौ. माहेश्वरी क्षीरसागर, सौ. शशीकला हारनाळे, सौ. मनीषा भुजबळ, सौ. प्राजक्ता लोखंडे, सौ. संगीता उदगिरे, सौ. महादेवी क्षीरसागर, ग्रीन लातूर वृक्ष प्रतिनिधि सौ. दिपाली राजपूत, सौ. आशा आयचीत हे उपस्थित होते.या सर्वांचे स्वागत हळदी कुंकू महिला समिती प्रमुख सौ.वनिता व्यवहारे व महिला समिति मेंबर यांनी केले. कार्यक्रमाची सुरवात कु. अंजली चोपडे व मंजिरी चोपडे यांच्या स्वागत गीताने व महात्मा बसवेश्वरच्या आणि सरस्वती मातेच्या प्रतिमेचे पूजन व दीप प्रज्वलन करून झाली. या प्रसंगी ग्रीन लातूर वृक्ष टीम तर्फे सौ. दीपाली राजपूत यांनी वृक्ष लागवडीचे महत्व उपस्थित महिलांना सांगून ग्रीन लातूर वृक्ष टीम तर्फे सर्व महिलांना ५०० फुलांचे रोपटे वाण म्हणून देण्यात आले.
