जुन्नरमध्ये संताजी जगनाडे महाराजांची ४०१ वी जयंती भव्यदिव्य साजरी
नगरपरिषद व तेली समाजाचा संयुक्त उपक्रम, सेवा आणि शिस्तीचा संकल्प !
जुन्नर - संत तुकाराम महाराजांचे प्रिय शिष्य, अभंग गाथेचे लेखक आणि अखंड तेली समाजाचे आराध्य दैवत श्री संत संताजी जगनाडे महाराज यांची ४०१ वी जयंती रविवार, ८ डिसेंबर २०२५ रोजी जुन्नर नगरपरिषदेच्या वतीने अतिशय उत्साहात साजरी करण्यात आली. हा कार्यक्रम नगरपरिषदेचे मुख्याधिकारी मा. श्री. चरणजी कोल्हे साहेब यांच्या मार्गदर्शनाखाली पार पडला. यावेळी नगरपरिषदेचे सर्व कर्मचारीवर्ग तसेच जुन्नर तालुक्यातील तिळवण तेली समाजाचे पदाधिकारी व मान्यवर मोठ्या संख्येने उपस्थित होते.
कार्यक्रमाची सुरुवात संताजी महाराजांच्या प्रतिमेला पुष्पहार घालून व दीपप्रज्वलनाने झाली. मुख्याधिकारी श्री. चरणजी कोल्हे साहेबांनी आपल्या प्रास्ताविकात संताजी महाराजांच्या जीवनकार्याचा आढावा घेतला. त्यांनी सांगितले की, संताजी महाराजांनी तुकाराम महाराजांसोबत ७५ वर्षे निस्वार्थ सेवा केली, अभंग गाथा संरक्षित केली आणि अन्यायाविरुद्ध आवाज उठवला. त्यांचे “तेलसिंधु” व “शंकरदीपिका” हे ग्रंथ आजही समाजाला प्रेरणा देतात. श्री. कोल्हे साहेबांनी तेली समाजाच्या योगदानाची प्रशंसा करीत म्हटले की, समाजाने शिक्षण, सेवा आणि एकता यावर भर देऊन जुन्नरच्या विकासात मोलाचे योगदान दिले आहे.
तेली समाजाचे अध्यक्ष श्री. कैलास गरीबे यांनी आपल्या भाषणात संताजी महाराजांच्या शिकवणीवर प्रकाश टाकला. ते म्हणाले, “संताजी महाराजांनी शिस्त, प्रामाणिकपणा, सेवा भावना आणि सामाजिक बांधिलकी हे मूल्य शिकवले. आजच्या काळातही ही मूल्ये आपण जपली पाहिजेत.” ज्येष्ठ मार्गदर्शक श्री. विनायक कर्पे, दत्ता काका कर्डिले, अनिल कर्डिले, अविनाश कर्डिले, महेश घोडेकर, मिलिंद घोडेकर, राजेंद्र कर्पे, प्रशांत फल्ले, गोकुळ भागवत, विकास कर्पे, प्रशांत कर्पे, गणेश वाकचौरे, जयप्रकाश फल्ले, पिंटू कर्पे यांच्यासह सर्व पदाधिकाऱ्यांनी संताजी महाराजांच्या विचारांना नव्या पिढीपर्यंत पोहोचवण्याचा संकल्प व्यक्त केला.
कार्यक्रमात संताजी महाराजांच्या अभंगांचे सुमधुर कीर्तन झाले, ज्याने उपस्थितांचे मन भारावून गेले. शेवटी सर्वांनी एकत्र येऊन सेवा, शिस्त आणि प्रामाणिकपणाच्या मार्गावर चालण्याचा निर्धार केला. नगरपरिषदेच्या या उपक्रमाने तेली समाजाला विशेष सन्मान मिळाला आणि जुन्नर शहरात संताजी महाराजांच्या विचारांची चर्चा सर्वत्र रंगली.
जय संताजी महाराज! जय तेली समाज! ????
