लातूर येथे वीरशैव तेली समाज महिला समिती तर्फे नवरात्र महोत्सवानिमित्त कुंकुमार्चन पूजा उत्साहात संपन्न
लातूर: येथील गंजगोलाई भागातील प्रसिद्ध श्री जय जगदंबा मंदिर येथे वीरशैव तेली समाज (महिला समिती), लातूर यांच्या वतीने नवरात्र महोत्सवानिमित्त भव्य कुंकुमार्चन पूजेचे आयोजन करण्यात आले होते. सोमवार, दिनांक १२ ऑक्टोबर २०२६ रोजी दुपारी २ वाजता हा धार्मिक सोहळा अत्यंत भक्तिमय वातावरणात पार पडला. नवरात्रीच्या दुसऱ्या माळेचे औचित्य साधून उपस्थित महिलांनी पांढऱ्या रंगाच्या साड्या परिधान केल्या होत्या, ज्यामुळे सोहळ्याची शोभा अधिकच वाढली.
या मंगळमय कार्यक्रमाला समाजातील महिलांचा उत्स्फूर्त प्रतिसाद लाभला. परिसरातील सुमारे १५० ते २०० महिलांनी एकत्र येत देवी जगदंबेची मनोभावे कुंकुमार्चन पूजा केली. सामूहिक मंत्रोच्चार आणि आरतीने संपूर्ण मंदिर परिसर भक्तीरसात न्हाऊन निघाला होता.
हा कार्यक्रम यशस्वी करण्यासाठी वीरशैव तेली समाज महिला समितीच्या प्रमुख सौ. सारिका क्षीरसागर , समितीच्या सदस्या सौ. प्राजक्ता लोखंडे, सौ. अश्विनी लोखंडे, सौ. अनुसया देशमाने, सौ. वनिता व्यवहारे, सौ. रागिनी लोखंडे, सौ. रेखा कलशेट्टी, सौ. सुनिता नाईक, सौ. दिपाली नवगिरे आणि सौ. रोहिणी लोखंडे यांनी विशेष परिश्रम घेतले. कार्यक्रमाच्या शेवटी महाप्रसादाचे वाटप करण्यात आले.
