अहमदनगर शहर व जिल्हा तेली समाज संताजी विचार मंच अहमदनगर, भव्य मोफत वधु - वर पालक परिचय मेळावा, अहमदनगर - 2019,  रविवार दि. 1 डिसेंबर 2019 रोजी सकाळी 10 ते सायं 6 वाजेपर्यंत  सर्व समाज बंधू-भगिनींनो... महाराष्ट्राचे मध्यवर्ती ठिकाण असलेल्या ऐतिहासिक वारसा लाभलेल्या अहमदनगर शहरामध्ये भव्य मोफत तृतीय राज्यस्तरीय वधू-वर पालक परिचय मेळावा होत आहे. या निमीत्ताने आपले स्वागत करण्यास अ.नगर शहर व जिल्हा तेली समाज, संताजी विचार मंच अहमदनगर उत्सुक आहे. तरी आपल्या मुला-मुलींची नाव नोंदणी करावी हि नम्र विनंती.

जाऊ संताजींच्‍या गावा .. !

         श्रावण मास श्री संताजी महाराज जगनाडे समाधी मंदिर सुदुंबरे येथे ज्ञानेश्वरी पारायण गाथा भजन व किर्तन सोहळा. पहाटे ४ ते ६ काकडा भजन, सकाळी ७ ते १२ ज्ञानेश्वरी पारायण सोहळा, दु.१२ ते १ गाथा भजन सायं.४.३० ते ५.३० हरिपाठ, ५.३० ते ७ संगीत भजन व रात्री ७ ते ९ हरिकिर्तन व नंतर हरिजागर होईल. प्रारंभ मिती श्रावण वद्य.10. रविवार दि. 25/8/2019 तर सांगता  मिती श्रावण वद्य.१३.बुधवार दि.२८/८/२०१९ रोजी  होईल 

         संताजी मंडळ, नाशिक जिल्हा - आयोजित विद्यार्थी गुणगौरव समारंभ रविवार दि. १८ ऑगस्ट २०१९ रोजी दु.२.०० वाजता रोटरी क्लब हॉल गंजमाळ बसस्टॉप समोर, नाशिक - १ रोजी आयोजित करण्‍यात आलेली आहे. नाशिक जिल्ह्यातील अग्रगण्य समाजसेवी संस्था, संताजी मंडळाच्या वतीने दरवर्षीप्रमाणे जिल्ह्यातील गुणवत्ता प्राप्त विद्यार्थ्यांचा ३९ वा गुणगौरव समारंभ याही वर्षी आयोजित केला आहे. सदर समाजप्रेरक सोहळ्यास उपस्थित राहण्यासाठी  सर्वां तेली समाज बांधवाना निमंत्रीत  करण्‍‍‍‍‍यात आलेले आहे

           नेवासा : तिळवण तेली समाजाच्यावतीने येथील संत ज्ञानेश्वर मंदिरात संत संताजी महाराज जगनाडे यांची प्रतिमा भेट देण्यात आली. भास्करगिरी महाराज यांच्या हस्ते ही प्रतिमा देण्यात आली. यावेळी शिवाजी देशमुख महाराज, आमदार बाळासाहेब मुरकुटे, माजी सभापती सुनीता गडाख यांचा तिळवन तेली समाजाच्यावतीने सत्कार करण्यात आला.

         तेली समाज बहुउद्देशिय संस्था, उमरखेड दरवर्षी तेली समाजबांधवा मार्फत राखीपौर्णिमेनिमित्त 'रक्षाबंधन झेंडा उत्सव' हा उपक्रम राबवत असते. तरी यावर्षीचे तेली समाज बांधव व समाजाचे उपाध्यक्ष - श्री. अविनाश विठ्ठलराव पोंगाणे हे रक्षाबंधन झेंडा उत्सवाचे मानकरी आहेत. यावर्षीचा झेंडा हा दिनांक १५/०८/२०१९ गुरुवार रोजी यांचे राहते घरुन सकाळी ८ वाजता झेंडा उत्सव दिंडी वसंतनगर ते हनुमान मंदीर, गांधी चौक पर्यंत निघणार आहे.