मालेगाव : महानगर तेली सम ज, व श्री संताजी महाराज उत्सव समिती तर्फे अंबिका मंदीरात संताजी जयंती साजरी करण्यात आली.तसेच गतवर्षीच्या महाराष्ट्र सरकारच्या परिपत्रकाप्रमाणे मालेगाव शहरात विविध शासकीय/निमशासकीय कार्यालयात संताजी जयंती साजरी करण्यात आली.

    श्रीगोंदा तेली समाज - राष्ट्र संत संताजी जगनाडे महाराज यांची जयंती श्रीगोंद्यात उत्साहात साजरी करण्यात आली. तेली समाजाच्या वतीने जगनाडे महाराज यांची प्रतिमा तालुक्यातील प्रशासकीय अधिकाऱ्यांना समाजाचे दक्षिण जिल्हाध्यक्ष राऊत यांच्या हस्ते भेट देण्यात आली. शनी मारुती मंदिरात देखील जयंतीचा कार्यक्रम पार पडला. येथील नगरपरिषदेच्या सभागृहात नगराध्यक्षा शुभांगी पोटे यांच्या अध्यक्षतेखाली जयंती साजरी करण्यात आली.

     मालेगाव कॅम्प : येथील महानगर तेली समाज आणि संताजी महाराज उत्सव समितीतर्फे अंबिका मंदिरात संताजी महाराज जयंती रविवारी (ता.८) झाली. यानिमित्त संताजी उत्सव समितीतर्फे मिरवणूक काढली होती. त्यानंतर प्रमुख पाहणे माजी मंत्री, आमदार दादा भुसे यांनी प्रतिमापूजन केले. या वेळी अध्यक्ष सर्जेराव चौधरी, संस्थापक माणिक चौधरी, उपाध्यक्ष बंडू चौधरी, कोशाध्यक्ष शिवाजी चौधरी, सचिव विशाल चौधरी, मालेगाव महानगर तैलिक महासभा, संताजी ब्रिगेड संघटना आदी पदाधिकारी व कार्यकर्त्यांनी

         औरंगाबाद तेली समाज - संत शिरोमणी संताजी जगनाडे महाराज यांच्या जयंतीनिमित्त संस्थान गणपती ते शनीचौक दरम्यान रविवारी (दि.८) वाहन रॅली काढण्यात आली. रॅलीचे उद्घाटन आमदार अतुल सावे यांच्या हस्ते करण्यात आले. मच्छली खडक, गुलमंडीमार्गे टिळकपथ, पैठणगेट, क्रांती चौक, अमरप्रीत चौक, आकाशवाणी, त्रिमूर्ती चौकमार्गे गजानन मंदिर, पुंडलिकनगर, जयभवानीनगर, संताजी चौक तेथून सिडको बसस्टॅण्डमार्गे चिकलठाणा येथील गणेश मंदिर येथे रॅलीचा समारोप करण्यात आला.

उत्सवी वातावरण : प्रतिमापूजन, विविध कार्यक्रम, पालखी मिरवणूक

     नाशिक  तेली समाज : संताजी महाराज जगनाडे यांची जयंती जिल्ह्यात विविध कार्यक्रमांनी साजरी करण्यात आली. सरकारने सर्व शासकीय व निमशासकीय कार्यालयांमध्ये संताजी महाराजांची जयंती साजरी करण्याबाबतचे परिपत्रक काढल्यानंतरची ही पहिलीच जयंती असल्याने याबाबत सर्वत्र उत्साहाचे वातावरण दिसून आले. यानिमित्ताने प्रतिमापूजन, मिरवणुकांसह विविध कार्यक्रम उत्साहात पार पडले.