नविन नाशिक तेली समाज संचलित श्री संत जगनाडे महाराज सेवा मंडळ, संताजी युवक मंडळ, सर्वांगिणी महिला मंडळ यांच्या संयुक्त विद्यमाने आज संतशिरोमणी श्री संताजी जगनाडे महाराज यांची ३९६ वी जयंती शासकीय नियमाने प्रतिमा पुजन, आरती, पुष्पहार अर्पण करून अभिवादन केले व जयंती मोठ्या उत्साहात साजरी करण्यात आली.

   संताजी जगनाडे महाराजांनी केलेल्या कार्यामुळे आज जगद्गुरू तुकोबारायांचे अभंग आपल्यापर्यंत पोहचलेत. इंद्रायणीत बुडवलेल्या गाथा, जनसागरातून बाहेर काढण्याचा चमत्कार हा संताजी जगनाडे महाराजांनी केला. त्यांनी हे अभंग पुन्हा लिहून काढलेत. जगद्गुरू तुकाराम महाराज आणि संताजी जगनाडे महाराज यांच्या काळाविषयी बरेच मतप्रवाह आहेत.

         देऊळगाव राजा  : श्री संत संताजी महाराज जयंती निमित्त महाराजांच्या मुळगावी संदूबरे जिल्हा पुणे येथे फार मोठ्या प्रमाणात जयंती उत्सव साजरा करण्यात येत असतो. अख्ख्या महाराष्ट्रातील समाज बांधव दर्शन चा लाभ घेत असतात. परंतु यावेळी कोरोनासारख्या महामाारीने मानवतेलाच नाही घेरले तर भगवंताचे दारेही बंद केली.

      कारंजा येथील श्री. संताजी क्रेडिट को-ऑप सोसायटी, महाराष्ट्र प्रांतिक तैलिक महासभा, शाखा कारंजा व श्री. संताजी सांस्कृतिक व सेवा मंडळाचे संयुक्त विद्यमाने तेली समाजाचे आराध्य दैवत संत शिरोमणी श्री. संताजी जगनाडे महाराज यांची 396 वी जयंती साजरी करण्यात आली. याप्रसंगी संताजी महाराजांच्या मुर्तीचे पुजन करण्यात आले. 

       जामखेड : यावेळी जामखेड तालुका प्रातिक तेली महासभा संताजी युवा प्रतिष्ठान जामखेड तालुका प्रातिक तेली महिला महासभा समाजा तर्फे श्री. संताजी जगनाडे महाराज यांची जयंंती जामखेड येथे विठ्ठल अण्णा राऊत यांच्या उपस्थितीत महापुजा करण्यात आली. तसेच जामखेड तहसिल कार्यलय, पोलीस स्टेशन, पंचायत समिती, सरकारी ग्रामीण रुग्णालय, महावितरण कार्यलय, जामखेड नगरपरिषद या सर्व ठिकाणी उत्साहात जयंती साजरी करण्यात आली.