येथील सुमारे ५० वर्षांपासून अस्तित्वाला असलेले देवगड बाजारपेठेतील श्रद्धास्थान - उपासना केंद्र मंडळाचे माजी पदाधिकारी श्री. वसंतराव मुणगेकर बंधूंचे हे संपूर्ण मालकीचे मंदिर परिसरातील सर्वांचे मानसिक विश्रांती स्थान आहे.

 वाडा - सडा येथील हनुमान मंदिर या मार्गावरील साऱ्यांचे लक्षवेधक स्थान आहे. यांची संपूर्ण मालकी मंडळाचे सल्लगार आप्पाजी वाडेकर यांची आहे.

श्री ईसवटी ब्राह्मणदेव मंदिर, बोर्डव, बामणवाडी ता. कणकवली, जि. सिंधुदुर्ग

     कणकवली पासून ११ कि. मि. अंतरावर बोर्डवे हे गाव असून तेथे तेली समाजवाडी वाडीत वास्तव करुन आहे. फार प्राचीन काळापासून शेताच्या बांधावर मातीच्या पारावर पाषाण स्वरुपात असे श्री ईसवटी ब्राह्मणदेव नावाचे स्थळ असून तेली कुटूंबिय पूजाबल्ती करत असत. वार्षिक भक्ष्य दिले जाई व दुसऱ्या दिवशी ब्राह्मणा कडून एकादशी ब्राह्मण भोजनाचे आयोजन केले जात असे.

      वेंगुर्ला तालुक्यातील मांगल्याचा मठ या गावी तेली समाजाचे श्री भूमिका देवीचे मंदिर आहे. या मंदिराचा पूर्वइतिहास काही जात नाही परंतु या समाजाची मुळे कुलदेवता साळशी (ता. देवगड) येथे आहे. त्या देवीच्या प्रतिमेनुसार सन २००० साली या देवीची प्राणप्रतिष्ठापना करण्यात आली. तेव्हापासून या मंदिरात वर्षातून दोन उत्सव साजरे केले जातात. या मंदिरात श्री भूमिका देवीच्या मूर्तीसोबत मुळपुरुष म्हणून श्रीफळाची पूजा केली जाते.

     मालवणमध्ये देऊळवाड्यातील तेलीवाडीत भाद्रपद महिन्यात गौरी विर्सजन कार्यक्रम संपल्यावर रात्रौ वाडीतील सर्व कुटुंबे एकत्र येऊन गौरीच्या नैवेद्यासाठी बनविलेल्या भाकरी आणि शेवग्याची भाजी करतात ती एकमेकांना वाटतात. सर्व इष्ट, मित्रमंडळी व तेली कुटुंबे नैवेद्यम्हणून स्नेहभोजनाचा समारोह गेली कित्येक पिढ्या साजरा करत आहेत.